Gewigsverlieskompetisie – Nog ‘n prys!

Die wiel is behoorlik aan die rol om alles in plek te kry vir die gewigsverlieskompetiesie wat op 1 Februarie begin en loop tot 30 April 2022. Meer mense begin navraag doen om deel te neem en al hoe meer pryse kom ter sprake. Hou gerus hierdie spasie dop! En skryf in! Dit gaan ‘n heerlike reis wees waar deelnemers nie net gaan kompeteer met mekaar nie, maar mekaar gaan ondersteun en aanmoedig en ophelp as hulle val.

Desiree Kleinhans het vir ons ‘n wonderlike geskenkpak saamgestel wat bestaan uit ‘n Kamino, ‘n serp, handsak, oorbelle, ‘n lekkerruik ietsie en ‘n inspirasie geestelike boek! Is dit nie wonderlik nie? Baie, baie dankie, Desiree!

Desiree skryf oor hulle besighede op Struisbaai en Agulhas:

SUIDPUNT POTPOURRI is jou mees suidelike décor winkel en restaurant aan die Suidpunt van Afrika.

Hierdie besigheid het  begin, met slegs die eienaar en een personeellid.  Vandag, 20 jaar later, is ons geseënd met 30 personeellede en 4 eienaars.  Dit is nou ‘n heerlike familiebesigheid en ons kon aan die begin van 2021 nog so ‘n besigheid oopmaak, ‘Earth Restaurant en Décor’.  Hierdie besigheid is op ‘n kleinhoewe, vlak voor Struisbaai met miniatuur perdjies, donkies, bokkies en ganse as groot aantrekkingskrag vir kinders en ook groot speelplek vir kinders.

Albei winkels bied iets vir elke smaak en ouderdom.  Ons probeer sover moontlik om smaakvolle, bekostigbare geskenke en décor items aan te hou.  Behalwe ons unieke décor items, is daar ook speelgoed vir die kinders (of mans!), geestelike boeke en Bybels, klere, kombuisware, juwele, lekkerruikgoed vir hom en haar.  Letterlik iets van alles.

Ons twee restaurante bied ‘n groot verskeidenheid op die spyskaart.  By Earth het ons  ook tradisionele disse soos bobotie, waterblommetjiebredie, skilpadjies, tuisgebakte brood en koeksisters op die spyskaart.  

Suidpunt Potpourri het ‘n wye verskeidenheid van ontbyte, ligte middagetes en ‘n groot verskeidenheid koeke.

Ons het ook by albei besigheide ‘n dranklisensie, dus kan jy jou verjaardag of enige dag wat jy wil vier, by ons kom hou!

Kom kuier gerus by ons, ons vriendelike personeel is ‘n waarborg dat jy met ‘n warm gevoel in jou hart, by ons deure sal uitstap.

Ondersteun asseblief ons borge. Dit is regtig ‘n plesier om by Suidpunt Potpourri en ook Earth in te stap. Hulle diens is puik en produkte van hoogstaande gehalte. Beslis die moeite werd om daar in te loer.

Kyk gerus HIER vir die inskrywingsvorm! Komaan! Waag dit! Word deel van ‘n wen-wen situasie.

Groete,

Toortsie

Vir meer inligting rakende die kompetisie en die inskrywingsvorm, kliek op die gemerkte woorde. 

Kyk gerus HIER indien u meer van my skrywes oor die keto-leefstyl wil lees.

Kompetisie – hoe gemaak met gesinne?

Die inskrywingsgeld vir die gewigsverlieskompetisie is mos R650 en sluit, behalwe vir die ondersteunende Whattsappgroep en weeklikse raad, ook Toortsie se drie resepteboeke in.

Maar hoe gemaak as meer as een lid van ‘n gesin in een huis wil inskryf? Of ‘n groep vriende wat saam in een huis bly? Hulle wil tog nie twee of drie stelle boeke hê nie?

Wel, sulke tye maak ek ‘n vergunning. Bespreek dit vooraf met my en ons maak ‘n reëling.

Toortsie

Gewigsverlieskompetisie – een van die pryse!

Soos nou alreeds bekend gestel, is daar ‘n gewigsverlieskompetisie geskoei op die Keto/Banting leefstyl vanaf 1 Februarie tot 30 April 2022 en vir die persoon wat die grootste persentasie gewig verloor, heerlike pryse te wen. Dit, behalwe natuurlik die nuwe gesonde liggaam en goeie leefstyl wat jy aangeleer het.

Een van die wonderlike pryse is ‘n naweek vir ‘n gesin van 4 in Struisbaai! Wat ‘n lekker prys! Die persoon wat dit wen, het kans tot 30 April 2023 om die prys op te eis en moet dit self reël met Anna-Marie Groenewald. Die prys sluit slegs die verblyf in en moet self op eie koste daar kom. Geen etes is ingesluit nie. Indien daar ekstra persone saamkom, kan dit gereël word met Anna-Marie, teen ‘n ekstra koste van R150 per persoon. Al hierdie eenhede is SELFORG-eenhede.

Let wel: Hierdie prys kan nie gedurende skoolvakansies en langnaweke geneem word nie.

Hier is die plekke waaruit die wenner kan kies:

  1. Fagan se woonstel is ‘n tweeslaapkamerwoonstel met ‘n bietjie see-uitsig, slegs 500 meter van die see af!
Fagan se woonstel, Struisbaai

2. Annie’s flat is ‘n eenslaapkamerwoonstel met ‘n lieflike tuin. Slegs 500 m van die swemstrand. Jy kan die see HOOR!

3. Erika, ‘n huis met lieflike see-uitsig en ‘n binne-braai. Ideaal vir ‘n gesin en kan tot 10 mense huisves.

Erica – selfsorghuis, Struisbaai

4. Rus ‘n Bietjie is ‘n ou vissermanshuisie in Agulhas. Lieflike see-uistig. Die eienaar beskryf dit as volg: ‘The charm of an old fisherman’s cottage remained,(eg painted cement floors, door frames from old fishing boats and a bathroom with a difference), so that Rus ‘n Bietjie gives you a real sea experience.The house is very rustic with a few cracks here and there, but for most people, this just adds to the charm.’

Rus ‘n bietjie, Agulhas

Wat ‘n heerlike keuse! Wat ‘n heerlike prys! Dis beslis die moeite werd om in te skryf vir die kompetisie, selfs al is dit ál rede!

En sou jy nie inskryf vir die kompetisie nie, maar steeds verblyf in Agulhas of Struisbaai soek, skakel gerus vir Anna-Marie. Haar telefoonnommer en die tariewe is by elkeen van die skakels ingevoeg.

Agulhas is by die heel suidste punt van Afrika, weet jy? Nader aan Antarktika sal jy nie kan kom terwyl jy op Afrikabodem is nie. En dis hier, by Agulhas waar die twee oseane mekaar ontmoet: Die Indiese en Atlantiese oseaan. En omdat hier twee seestrome, die een warm en die ander koud mekaar ontmoet, is die see nie so verskriklik koud nie.

Ondersteun asseblief ons borg. Baie dankie, Anna-Marie Groenewald vir hierdie heerlike prys.

Vir meer inligting rakende die kompetisie en die inskrywingsvorm, kliek op die gemerkte woorde.

Kyk gerus HIER indien u meer van my skrywes oor die keto-leefstyl wil lees.

Groete

Toortsie

Inskrywingsvorm – kompetisie

Banting Gewigsverliesuitdaging

Persoonlike inligting:

1. Noemnaam en van: ……………………………………………..

2. Volle name: ………………………………………………………..

3. ID Nommer: ………………………………………………………..

4. Selfoonnommer: …………………………………………………

5. Fisiese Adres: ……………………………………………………..

6. E-posadres: ……………………………………………………….

7. Naam en kontaknommer van naasbestaande: ………………………………………………….

8. Enige gesondheidsprobleme: ………………………………………

9. Enige medikasie: ……………………………………………………….

10. Mates en gewig:

11. Lengte (cm): …………………..  12. Borsmaat: ……………………..

13. Middel: …………………..

14. Heupmaat: ……………………  15. Gewig (kg): ……………………

Onderneming van aanbieder:

Ek, Magdelena Anna Burger, onderneem om alle persoonlike inligting van die kliënt konfidensieel te hou en sal slegs inligting openbaar maak as die persoon toestemming daartoe gegee het. Indien die persoon dalk inligting aan my deurgee wat lewensgevaarlik mag wees vir hom/haarself of ander persone, is ek verplig om dit aan die polisie of ander instansie oor te dra. 

Ek onderneem om my kennis ten opstigte van die Keto leefstyl na die beste van my vermoë aan elke kompetisie-deelnemer oor te dra en die deelnemer te ondersteun sover moontlik. 

Ek verklaar hiermee dat ek ‘n gekwalifiseerde Banting Coach (Nutrition Advisor) is en my opleiding ontvang het by Nutrition Network. Ek volg die Bantingleefstyl sedert Julie 2014.

Alhoewel die die deelnemer na die beste van my vermoë sal probeer help, neem hy/sy volle verantwoordelikheid vir enige gesondheistoestand wat mag voortvloei uit die kompetisie. Die deelnemer mag te enige tyd onttrek uit die kompetisie sou hy/sy so voel. 

My Nutrition Network profiel is hier te sien.

Onderneming van deelnemer:

Hiermee skryf ek in vir die gewigsverlieskompetisie soos vanaf 1 Februarie tot 30 April 2022. Ek neem deel op eie risiko en indien ek enige gesondheidsprobleme het, het ek dit eers met my dokter bespreek. Die aanbieders van die kompetisie is nie aanspreeklik in enige opsig vir my gesondheid nie. 

Ek het die R650 inskrywingsfooi uit eie keuse betaal.

Ek sertifiseer dat die inligting hierbo verskaf, reg is. 

Geteken:

………………………………………….. (Naam en van)

………………………………………….. (Datum)

Bankbesonderhede sal aan u gestuur word sodra die vorm ingevul en ge-epos is aan madeleburger@gmail.com. Stuur asb bewys van betaling.

Capitec kliënte kan deur middel van hierdie QR Kode betaal (gebruik die Scan to Pay funksie in die Capitec toepassing).

Gewigsverlieskompetisie Inligting

Soos reeds genoem is ek besig om ‘n gewigsverlieskompetisie geskoei op die Keto-leefstyl vanaf 1 Februarie tot 30 April 2022 te loods.

Die inskrywingsfooi is R650 en daarvoor kry die persoon al drie Toortsie se resepteboeke, word deel van ‘n Whattsappgroepie van deelnemers wat mekaar ondersteun en opbou en kry weekliks ‘n opleidingsessie op die Whattsappgroepie deur ‘n gekwalifiseerde Bantinggids.

Die persoon wat die grootste persentasie gewig verloor (bereken as volg: Gewig verloor gedeel deur begingewig maal 100) kry ‘n heerlike prys. Daar is alreeds ‘n hele paar borge wat ingekoop het hierby. Daar is byvoorbeeld ‘n naweek vir ‘n gesin van 4 op Struisbaai, geskenkpakkies van verskillende persone, ens.

Maar dis nie slegs die persoon wat die grootste persentasie gewig verloor het wat wen in hierdie kompetisie nie. Elke persoon wat deelneem, sal ‘n wenner wees. Hy/sy sal deel wees van ‘n groep mense wat mekaar opbou. Dit is ook die eerste stap na ‘n nuwe, gesonder leefstyl waar jy nie op jou eie gaan sukkel om dit te bewerkstellig nie, maar deurentyd mense sal hê wat jou aanmoedig. Die persoon word ook aangemoedig tot matige oefening.

Wie kan deelneem? Enige persoon wat ‘n gesonder leefstyl wil doen. Hy/sy doen dit op EIE risiko en verkieslik sal dit goed wees as hy/sy met sy/haar geneesheer daaroor gepraat het vooraf.

Wat het die deelnemer nodig? ‘n Skaal. Hy/sy moet heeltyd op dieselfde skaal weeg, verkieslik in dieselfde klere en met kaal voete. Toegang tot Whattsapp. Die heel belangrikste: Die WIL om ‘n sukses te maak hiervan. Positiewe ingesteldheid.

Die wenner word op 3 Mei 2022 aangekondig.

Hoe skryf die persoon in? U kan my kontak per e-pos by madeleburger@gmail.com. Die inskrywingsvorm sal ook op hierdie blog verskyn, of ek kan die inskrywingsvorm vir u epos. Die bedrag van R650 is aan my betaalbaar en dan stuur ek dadelik die boeke.

Groete

Toortsie

Kyk gerus HIER indien u meer van my skrywes oor die keto-leefstyl wil lees.

Enige persoon regoor die wêreld kan deelneem, veral ter wille van die ondersteuning. Maar … die koste om die boeke en die prys by jou te kry as jy oorsee woon, is joune.

Kyk HIER vir die INSKRYWINGSVORM.

Gewigsverlieskompetisie

Hoe sal julle voel oor ‘n GEWIGSVERLIESKOMPETISIE geskoei op die Banting/Keto leefstyl wat loop oor DRIE MAANDE met GROOT PRYSE?

Die inskrywingsgeld (R650) sluit Toortsie se 3 resepteboeke in plus ‘n Whattsappgroepie waar deelnemers mekaar bemoedig en ‘n weekliks hulle gewig aanmeld en coaching deur ‘n gekwalifiseerde Banting Coach?

En LIEFLIKE PRYSE vir die persoon wat die grootste persentasie gewig verloor … soos ‘n naweek vir 4 persone op Struisbaai? Reageer hier of stuur vir my ‘n persoonlike boodskap.

Enige persoon regoor die wêreld kan deelneem, veral ter wille van die ondersteuning. Maar … die koste om die boeke en die prys by jou te kry as jy oorsee woon, is joune.

Kyk gerus HIER indien u meer van my skrywes oor die keto-leefstyl wil lees. 

Kyk HIER vir die INSKRYWINGSVORM.

Groete

Toortsie

Wat is jou agtergrond?

Nav ‘n navraag oor my agtergrond:

B Comm en HOD – Universiteit van Stellenbosch

Sertifikaat in Vervoerekonomie – Universiteit van Johannesburg

Diploma in Christelike Nood- en Traumaberading – Hugenote Bybelinstutuut (Universiteit van Pretoria)

Diploma in Bybel- en Godsdienskunde – Hugenote Bybelinstituut (Universiteit van Pretoria)

Fasiliteerder Transformation Prayer MinistryBanting Coach – Nutrition Advisor – Nutrition Network (Noakes Foundation) – groot klem op diabetes en Keto

36 jaar ervaring van kosmaak en resepte ontwikkel in my eie huis

3 Gepubliseerde resepteboeke oor die Banting – Keto – LCHF leefstyl. In Afrikaans. Boek 1 is ook in Engels vertaal.

Gepubliseerde boek oor kinderjare.

Blog 10 jaar + (toortsie.com)

Volg self die Keto Leefstyl vir 7 en ‘n half jaar.Het 14 kg verloor en behou my gewig.

Aarbeiroomkaastert uit Toortsie 3

Toortsie

Kyk gerus HIER indien u meer van my skrywes oor die keto-leefstyl wil lees. 

Koolhidrate en vet

Die twee voedselsoorte wat die meeste ter sprake is in die Ketogeniese (Keto – Banting – LCHF) leefstyl, is koolhidrate en vet. Die derde voedselsoort, naamlik proteïene kom outomaties by en in die meeste van gevalle eet ‘n persoon nie noodwendig meer proteïene as voorheen wanneer hy oorskakel na Keto nie.

Maar koolhidrate en vet, dis waarop ‘n mens moet konsentreer.

Koolhidrate – Daar moet jy konsentreer om nie meer as 50 gram per dag in te neem nie, maar eintlik 25 gram maksimum, veral as jy gewig wil verloor. Minimum koolhidrate. Verkieslik kosse van die groen lys en in beperkte hoeveelhede van die oranje lys.

Vet – Die groot uitdaging lê daarin om jou vetverbruik te VERHOOG. Soveel as wat jy kan. Let wel, verhoog. Ook as jy gewig wil verloor.

Want wanneer jy vet eet en koolhidrate verminder, begin jou liggaam ketose afskei, eerder as insulien. En dit is presies wat jy wil hê, want insulien STOOR vet, en ketose VERBRAND vet. Deur dus in ketose te gaan word jy ‘n verbrander van vet in plaas van suiker.

Wanneer jy ‘n hoë vet dieet volg, bly jy baie langer versadig en eet jy op die ou end baie minder. Koolhidrate vra van jou dat jy aanmekaar eet, maar nie vet nie. Dus, as jy gewig wil verloor – EET MEER VET! EET BAIE MINDER KOOLHIDRATE. Die een of die ander, ongelukkig nie albei nie. (Jy kan nie jou brood aan albei kante botter deur steeds baie koolhidrate saam met baie vet te eet nie.)

En voor jy begin gril – Jy hoef nie hompe vet te eet nie! Geensins nie! Eet wel vetryke kosse. Vervang jou maer hoenderborsie met ‘n heerlike dytjie of boudjie. Vervang jou maer beesvleis deur ‘n geurige stuk met ‘n stukkie vet aan. Los die laevet maalvleis net daar op die rak en koop gewone maalvleis wat baie geuriger, gesonder en goedkoper is. Dubbelroomjoghurt in plaas van laevet. Dieselfde met roomkaas, maaskaas, mayonnaise … altyd die volvet of dubbelvetkeuse. Vermy die laevetprodukte ten alle koste. Gewoonlik is by laevetprodukte nog ‘n spul suiker ook gevoeg om smaak te gee. Room in plaas van melk. Botter in plaas van groente-olies.

Dis maklik! Dis heerlik! En dis my grootste uitdaging om kos soveel as moontlik te laai met vet. Gesonde dierevette. Snaaks, ‘n eier in botter gebak is glad nie so vetterig soos wanneer dit in olie gebak is nie.

Waag dit! Jy sal nie spyt wees nie. Onthou net om met jou dokter hieroor te gesels.

Toortsie

Kyk gerus HIER indien u meer van my skrywes oor die keto-leefstyl wil lees. 

Wat is 25 gram koolhidrate?

In my vorige bloginskrywing oor diabetes het ek genoem dat as jy 100 gram suiker per dag inneem, jy binne 20 jaar diabetes kan ontwikkel. Maar jy gebruik nie soveel suiker nie, so wat is die probleem? Wel, dit is nie net suiker nie … dis eintlik koolhidrate. Want koolhidrate sit maklik om in glukose. Wat suiker is.

So, hoe maklik is dit om jou 100 gram koolhidrate vir die dag vol te maak? Kyk ‘n bietjie na die volgende items, elkeen van hulle is slegs 25 gram. (Volgens The Real Meal Revolution – Tim Noakes)

25 aarbeie maak 25 gram vol. Of een en ‘n halwe appel.

Of, as jy drie kiwivruge geëet het, was dit 25 gram koolhidrate wat jy ingeneem het. Of 18 lietjies. Of 2 lemoene.

Slegs 1 peer is alreeds ‘n volle 25 gram, so as jy aandring op 3 porsies vrugte per dag en jy het drie pere geëet, staan jou koolhidraatinname reeds op 75 gram. Dan het jy nog nie jou bakkie pap met joghurt en suiker oor ingetel nie, of jou hoeveel koppies koffie, elk met twee lepels suiker nie. Ook nie jou sny brood nie of die bord pasta nie.

Net ‘n kleine piesang is reeds 25 gram, of drie klein vye …

Daardie gesonde heuning wat jy in jou tee gooi … een teelepelvol = 25 gram. En een en ‘n halwe koppie botterskorsie. Of 5 wortels.

Sien, dis maklik om, sonder dat jy eers daaraan dink, jou suikerinname vir die dag hoog maak en dit terwyl jy dalk onder die indruk is dat jy nie eintlik suiker inneem nie.

Dan praat ek nie eers van brood, meel, rogmeel, garsmeel, ertjiemeel quinoa, tef, droë boontjies nie. Of daardie twee stukkies beskuit wat jy nog vóór ontbyt in jou koffie druk nie.

En wees versigtig vir vrugtesap. En aanmaakkoeldrank. En gedroogde vrugte en dadels wat tog so graag in energiestafies gesit word en so verskriklik lekker is! Oe, en daardie aartappels wat so lekker gebraai is en beet en ertjies, eintlik álle peulgewasse …

En natuurlik suiker.

Kyk gerus HIER indien u meer van my skrywes oor die keto-leefstyl wil lees.

Groete

Toortsie

Het u geweet? – Diabetes

Het u geweet dat Tipe 2 Diabetes ‘n leefstylsiekte is? Dat dit ‘n ongelooflike gevaarlike siekte is en tel onder die top vyf grootste siektes in die wêreld?

Het u geweet dat diabetes by ons steel? Dat dit hand aan hand loop met hartvatsiektes, Metaboliese Sindroom? Hoë bloeddruk? Hartaanvalle? Dat dit jou fyner are kan beskadig en tot gevolg het dat daar nie voldoende bloedsirkulasie is nie? Dat jy van jou ledemate kan verloor op die lange duur as jou diabetes nie onder beheer gehou word nie? (Lees gerus HIER Agt Vreesaanjarende Gevolge van Tipe 2 Diabetes.)

Het jy geweet dat as jy meer as 100 g suiker per dag inneem, jy binne twintig jaar diabetes kan ontwikkel? Dat stysel in der waarheid suiker is? Dat suiker (stysel) ‘n DRUG is? Hoogs verslawend? Dat, hoe meer jy daarvan eet, hoe meer wil jy eet?

Het jy geweet dat jou liggaam elke keer wat jy koolhidrate inneem, insulien afskei en as jy nie genoeg tyd gee vir jou liggaam om daardie insulien sy werk te laat doen nie, jy insulienweerstandig raak en jy net meer en meer insulien nodig het omdat jou selle dit nie meer wil opneem nie? Soveel so dat jy later diabetes ontwikkel en jy insulienaanvullings nodig het om die suikervlakke in jou bloed te beheer? Dat verhoogde suikervlakke in jou bloed GEVAARLIK is?

Het jy geweet dat jy deur goeie koskeuses, deur stysel en suiker, grane, heeltemal te vermy jy jou diabetes onder beheer kan bring en hou? MAAR dat jy onder geen omstandighede jou medikasie moet verminder sonder konsultasie met jou dokter nie?

Het jy geweet dat jy glad nie koolhidrate in jou dieet nodig het nie? Dat jou liggaam heeltemal perfek kan funksioneer daarsonder? Dat, as jy nie meer koolhidrate inneem nie, maar eerder jou vetinname verhoog, jy langer versadig bly? Dat jy dan ketose begin afskei wat die vet in jou liggaam verwerk, in plaas van insulien wat vet stoor?

Onthou, sulke drastiese keuses mag jy nooit sonder die medewete van jou dokter doen nie. Jy moet eers jou dokter raadpleeg.

Toortsie

Create your website with WordPress.com
Spring weg